Bu il oktyabrın 1-nə Azərbaycandakı 22 bankdan 5-nin balans kapitalı 225 milyon manatdan çox olub.
Bunlar, “Azərbaycan Beynəlxalq Bankı” (2 milyard 111 milyon manat), “Kapital Bank” (1 milyard 90,1 milyon manat), “PAŞA Bank” (996,2 milyon manat), “Xalq Bank” (532,2 milyon manat) və “Bank Respublika”dır (230,9 milyon manat).
Qalan 17 bankdan 13-də balans kapitalı 100-225 milyon manat arasında, 4 bankda isə 100 milyon manatdan az olub.
Son 1 ildə 22 bankdan 2-nin – “Express Bank” və “Bank BTB”nin balans kapitalı azalıb. Müvafiq olaraq 0,3% və 2,2%.
1 bankın – “AFB Bank”ın balans kapitalı demək olar ki, dəyişməyib. 19 bankın isə balans kapitalı artıb. Ən yüksək dinamika “Access Bank”da (29,7%), ən aşağı dinamika isə “Turan Bank”da (3,6%) qeydə alınıb.
© Yurd.Media
