ain.az, Idmanxeber.az portalına istinadən məlumat verir.
Bir müddət öncə “Neftçi”nin qapıçısı Rza Cəfərovun komandadan ayrılmaq istədiyini oxucularımızın diqqətinə çatdırmışdıq. Gənc qolkiper ehtiyatda qaldığı üçün bu qərara gəlmişdi.
Nəhayət, millimizin üzvü istəyinə çatır. Əldə etdiyimiz məlumata görə, Cəfərov yanvarda “Neftçi”dən ayrılacaq. Onun yeni komandası da bəllidir.
Oyunçu “Kəpəz”lə anlaşıb. Tərəflər arasında uzun müddətdir danışıqlar gedirdi. Axır ki, Gəncə təmsilçisi həm futbolçunu, həm də paytaxt klubunu razı sala bilib.
Qış transfer dönəmində R.Cəfərov icarə əsasında “sarı-göylər”də çıxış edəcək. 22 yaşlı qolkiperlə mövsüm sonuna qədər müqavilə bağlanacaq.
İdmanxeber.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
