Aİ Rusiya və ABŞ-ı nüvə silahının yayılmaması ilə bağlı öhdəliklərinə əməl etməyə çağırır.
Avropa İttifaqı ABŞ və Rusiyanı beynəlxalq nüvə silahının yayılmaması ilə bağlı öhdəliklərinə əməl etməyə çağırır. RİA Novosti agentliyinin məlumatına görə, bu barədə Avropa Komissiyasının sözçüsü Ana Kaisa İtkonen Brüsseldə keçirilən brifinqdə bildirib. Onun çağırışı ABŞ prezidenti Donald Trampın ABŞ-ın nüvə sınaqlarını bərpa edəcəyi barədə açıqlaması və Rusiyanın nüvə başlıqları daşıya bilən yeni silahları sınaqdan keçirməsi xəbərləri ilə bir vaxta təsadüf edir.
