İsrailin sabiq baş naziri Ehud Olmert, Qəzza zolağının Fələstinin bir hissəsi olduğunu bildirib.
"Cebheinfo.az" xəbər verir ki, Fransanın paytaxtı Parisdə dünən başlayan “8-ci Paris Sülh Forumu” davam edir.
Olmert forum çərçivəsində keçirilən “Atəşkəsdən Davamlı Sülhə: İki Dövlətli Həllə Doğru” adlı paneldə iştirak edib.
Qəzzanı idarə edəcək yeni hökumətin fələstinli olması gərəkdiyini vurğulayan Olmert, “Qəzza Fələstinin bir hissəsidir. İsrailin bir hissəsi deyil”, - deyə açıqlama verib.
O, Fələstin xalqı üçün “siyasi bir perspektiv”in vacibliyini qeyd edərək, “Bunun üçün çalışmalıyıq və bu hədəfə çatmaq istəməliyik” ifadəsini işlədib.
