Türkiyə Prezidenti Rəcəb Tayyib Ərdoğan ölkə futbolunun 152 hakimi barəsində mərc oyunlarına pul qoyuluşu etməsi iddiası ilə açılan istintaqla bağlı açıqlama verib.
QOL.az bu barədə Türkiyə mediasına istinadən xəbər verir.
Almaniyanın kansleri Fridrix Merslə görüşdən sonra jurnalistlərin suallarını cavablandıran Ərdoğan bu barədə danışarkən deyib:
“Son dövrlərdə bir hakimlər məsələsi ortaya çıxıb. Futbol meydanlarında, bunlar yaşanarkən dövlət bunu əli-qolu bağlı şəkildə izləyə bilməz. Lazım olan nədirsə, onu etməlidir və hazırda da bu addım atılıb. Tribunalardakı azarkeşlər də bu hadisəni görüb sevinirlər. “Nələr olur, nələr” deməyə başlayıblar”.
