525.az saytından verilən məlumata görə, ain.az xəbər verir.
Çin lideri Si Cinpin Cənubi Koreyanın Busan şəhərində ABŞ Prezidenti Donald Trampla keçirilən görüşün hər iki tərəf üçün faydalı olduğunu söyləyib.
525.az xarici KİV-ə istinadən xəbər verir ki, o, ikinci dəfə ABŞ prezidenti seçilən Trampla görüşməkdən məmnun olduğunu vurğulayıb:
“Seçkilərdən sonra üç dəfə telefonla danışdıq, bir neçə məktub mübadiləsi apardıq və sıx əlaqə saxladıq. Ortaq səylərimiz sayəsində Çinlə ABŞ arasında münasibətlər sabit qalıb".
Si Cinpin Çin və ABŞ-nin fərqli milli maraqlarına görə bəzi məsələlərdə fikir ayrılığına düşməsinin normal olduğunu bildirib:
“Dünyanın ən böyük iki iqtisadiyyatı arasında zaman-zaman fikir ayrılıqlarının olması təbiidir Küləklər, dalğalar və çətinliklər qarşısında Tramp və mən, Çin-ABŞ münasibətlərinin sükanı arxasında, düzgün yolda qalmalı və bu nəhəng gəminin davamlı irəliləməsini təmin etməliyik".
Çin lideri qeyd edib ki, iki ölkə dost və tərəfdaş olmalıdır:
“Ölkələrimiz bir-birinin uğuruna töhfə verə və birlikdə çiçəklənməyə nail ola bilərlər. İllər ərzində dəfələrlə açıq şəkildə demişəm ki, Çin və Amerika tərəfdaş və dost olmalıdır. Bu, tarixin bizə öyrətdiyi və bugünkü reallıqların zəruri etdiyi bir şeydir".
İbrahim Cəfərov
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
