Misli Premyer Liqasının 10-cu turu çərçivəsində "Şamaxı"nı qəbul edəcək "Turan Tovuz"un bu mövsüm Tovuzda keçirəcəyi ilk ev oyununa neçə itki ilə çıxacağı bəlli olub.
Bu barədə Fanat.Az-a qərb təmsilçisinin sözçüsü Süleyman Tağıyev məlumat verib.
"Cəzalı oyunçu yoxdur. David Oliveyra Tavareş zədə səbəbindən "Şamaxı"ya qarşı oynamayacaq".
Qeyd edək ki, noyabrın 2-də baş tutacaq "Turan Tovuz" - "Şamaxı" qarşılaşmasının start fiti 19:00-da səsləndiriləcək. Hazırda 7 oyuna 18 xalı olan "boz qurdlar" turnir cədvəlinin 1-ci, 10 xala malik "aslanlar" isə 9-cu pilləsində mövqe tutublar.
Nihat
