“Mançester Siti”nin hücumçusu Erlinq Haaland Madrid “Real”ına transfer olmaq arzusundadır.
90deqiqe.Az-ın məlumatına görə, norveçli futbolçunun ətrafı da bu xəbəri təsdiqləyib. Bildirilir ki, Haalandın “Mançester Siti” ilə müqaviləsində transferin qarşılıqlı razılaşma əsasında ləğv edilməsinə dair xüsusi maddə mövcuddur, lakin orada göstərilən məbləğ açıqlanmır.
Norveçli hücumçunun Madrid klubuna keçidini Vinisius Juniorun mümkün satışı sürətləndirə bilər. Bununla belə, qeyd olunur ki, Haalandın transferi braziliyalının komandada qalması halında da baş tuta bilər.
25 yaşlı futbolçu cari mövsümdə bütün turnirlərdə 12 oyuna çıxaraq 15 qol vurub və 1 məhsuldar ötürmə edib. Haalandın “Mançester Siti” ilə müqaviləsi 2034-cü ilə qədər qüvvədədir. Transfermarkt onun bazar dəyərini 180 milyon avro olaraq qiymətləndirir.
