Yalovada yaşayış binasının 5-ci mərtəbəsində terrasda qızı və dostu ilə əylənərkən yıxılıb ölən Güllü kimi tanınan müğənni Gül Tut işində qan donduran faktlar aşkarlanıb. Müğənninin qızının telefonunda anasını öldürməklə bağlı yazışmalar ortaya çıxıb.
Ölkə.az xəbər vetrir ki, işa adamı, Güllünün ifa etdiyi məkanın sahibi Ferdi Aydın məşhur müğənnini qızı Tuğyan Ülkem Gülterin öldürdüyünü iddia edib. Bunun ardınca Gülterin yaxın dostu Bircan Dülger də də Güllünün qızı tərəfindən öldürüldüyünü iddia edib.
Bircan Dülger açıqlamasında bunları deyib:
“Mən Tuğyanı 15 yaşımdan tanıyıram. Çox yaxın dost idik. Tuğyanla anası arasında həmişə çox pis münasibət olub. Tuğyanın 15 il əvvəl narkotik alverçisi olan və hazırda həbsdə olan Sinan səbəbdən anası ilə aralarında fikir ayrılığı yaranıb.
Tuğyanın indiki sevgilisi Kervan evlidir və bir övladı var. Güllü bu münasibətə qarşı çıxdığından aralarında hər zaman dava olub”.
B. Dülger əlavə edib ki, Tuğyan bu səbəbdən də hətta anasının ölümünü istəyib. “Mənə mesaj yazdı ki, ölsün, ölsün, bu qadına bir şey olsun, yoruldum, bacı, ölməz.
İnanıram ki, Tuğyan Güllünü itələdi, Sultan isə Tuğyandan qorxduğu üçün susdu”, - o qeyd edib.
Dülgər əlavə edib ki, hadisədən 5 saat sonra oğlu qonşunun pəncərəsini sındıraraq anasının evinə girib seyfdəki qızılları oğurlayıb və evi səliqəyə salıb. “Bircan mənə dedi ki, seyfdə 2 milyon dollar dəyərində qızıl olub”, - o vurğulayıb
Mürtəza
