ain.az, Cebheinfo portalına istinadən məlumat yayır.
Ən çox istifadə edilən antidepresanlardan biri olan sertralin müalicənin ilk iki həftəsi ərzində depressiya və narahatlığın əsas simptomlarına, o cümlədən depressiya əhval-ruhiyyəsinə müsbət təsir göstərə bilər.
“Cebheinfo.az” xəbər verir ki, bu nəticəyə London Universitet Kollecinin tədqiqatçıları böyük PANDA klinik sınaqlarının məlumatlarını təhlil etdikdən sonra gəliblər.
Tədqiqat “Nature Mental Health” (NMH) jurnalında dərc edilib.
Sertralin dünyada ən çox təyin edilən antidepresanlar olan selektiv serotonin geri alma inhibitorları (SSRI) sinfinə aiddir.
2019-cu ildə “The Lancet Psychiatry” jurnalında dərc olunmuş bir tədqiqatın ilkin nəticələri göstərib ki, sertralin əvvəlcə narahatlığı azaldır. Depressiyada isə təxminən 12 həftədən sonra yaxşılaşma baş verir. Lakin yeni tədqiqat bu anlayışı dəyişdirib.
Alimlər müxtəlif simptomların müalicəyə necə reaksiya verdiyini qiymətləndirmək üçün innovativ statistik yanaşma olan şəbəkə təhlilindən istifadə ediblər.
"Təhlilimiz göstərib ki, sertralin müalicəyə başladıqdan sonra iki həftə ərzində kədər, özünə nifrət, narahatlıq və intihar düşüncələrini azaldır", - deyə tədqiqatın aparıcı müəllifi Dr. Giulia Piazza bildirib.
Lakin xəstələr antidepressantlara xas olan yan təsirlərlə - libidonun azalması, yorğunluq və yuxu pozğunluqları ilə qarşılaşıblar. Tədqiqatçılar qeyd edirlər ki, bu cür simptomlar yalnız dərmanın nəticəsi deyil, həm də depressiyanın özünün bir hissəsi ola bilər. Bu da onun təsirini qiymətləndirməyi çətinləşdirir.
Tədqiqatçıların fikrincə, fiziki simptomlar ilk həftələrdə pisləşdi, lakin təxminən altı həftədən sonra sabitləşdi, emosional inkişaf isə 12 həftəyə qədər artır.
"Yuxu pozğunluqları və libidonun azalması kimi yan təsirlər zamanla azalır, emosional simptomlar isə yaxşılaşır", - deyə Dr. Piazza bildirib.
Xəzər
“Cebheinfo.az”
Problemlərinizi bizə yazın, şahidi olduğunuz hadisələri çəkib göndərin
Ən son xəbərləri və yenilikləri almaq üçün ain.az saytını izləyin.
