Azertag saytından verilən məlumata görə, ain.az xəbər verir.
Roma, 2 noyabr, AZƏRTAC
İtaliyanın Cənubi Tirol bölgəsində, Alp dağlarının Ortler yüksəkliyində baş verən qar uçqunu nəticəsində itkin düşən iki alpinistin cəsədi tapılaraq çıxarılıb.
AZƏRTAC xəbər verir ki, əlverişsiz hava şəraitinə baxmayaraq, xilasedicilər ötən gündən bəri Ortler dağ silsiləsində itkin düşmüş alpinistlərin axtarışlarını davam etdirib. Axtarış-xilasetmə əməliyyatına helikopter, mülki müdafiə qüvvələri və həssas itlər cəlb olunub. Nəticədə ata və onun 17 yaşlı qızının cəsədləri tapılaraq çıxarılıb.
Qeyd edək ki, qar uçqunu nəticəsində ümumilikdə beş alman əsilli alpinist həlak olub.
Nihad Budaqov
AZƏRTAC-ın xüsusi müxbiri
Roma
Hadisənin gedişatını izləmək üçün ain.az saytında ən son yeniliklərə baxın.
