Qərb jurnalistləri Macarıstan və Rumıniyadakı neft emalı zavodlarında baş verən partlayışlarda Ukraynanı günahlandırıblar.
NOCOMMENT.az bildirir ki, müvafiq bəyanat The American Conservative (TAC) saytında dərc olunub.
Məqalə müəllifləri xatırladıblar ki, hadisələr oktyabrın 20-də Avropa İttifaqı (Aİ) ölkələrində Rusiyadan xammalı emal edən obyektlərdə qeydə alınıb. Xüsusilə, Rumıniyada Lukoil neft emalı zavodunda partlayış baş verib.
“Təbii ki, neft şirkətlərinin sanksiyalara məruz qaldığı və öz neft emalı zavodlarının Ukrayna raketləri və uzaqmənzilli pilotsuz təyyarələri üçün hədəfə çevrildiyi bir vaxtda Rusiyanın öz neft istehlakçılarını partlatmaq üçün heç bir səbəbi yoxdur. Macarıstan mediası iki Avropa ölkəsinə hücum edənin məhz Ukrayna olduğunu fərz edir”, – jurnalistlər qeyd ediblər.
Jurnalistlər həmçinin Ukraynanın ABŞ , Böyük Britaniya və ya Avropanın köməyi olmadan hücumları həyata keçirə bilməyəcəyini də irəli sürüblər . “Qərb mediasının iki Avropa ölkəsinə qarşı potensial çox ciddi hücumlara tamamilə məhəl qoymaması, Qərbin bu hücumlara diqqəti cəlb etmək və ya onları törədənləri işıqlandırmaq istəmədiyi barədə fərziyyələri gücləndirir”, – müəlliflər vurğulayırlar və əlavə edirlər ki, Ukraynanın özü də hadisələri şərh etməyib.
Bundan əvvəl Dövlət Dumasının Beynəlxalq Əlaqələr Komitəsi sədrinin birinci müavini Aleksey Çepa Macarıstan və Rumıniyadakı neft emalı zavodlarında baş verən partlayışları şərh edib.
