...Uşaqlar tədqiqata daxil edilməyib.
Respondentlərin dörddə birindən çoxu ölülərlə ünsiyyət qurmağın mümkün olduğuna inanır və 16 faizi ruhlarla və ya qeyri-adi hadisələrlə qarşılaşdıqlarını bildirib.
Lakin, onların çoxu heç vaxt belə görüşlər haqqında danışmayıb - hətta ailəsi və dostları ilə belə...
Sorğuya görə, 25-34 yaş arası insanlar ruhlar, sehrli varlıqlar, ekstrasenslər, mələklər və cinlər də daxil olmaqla paranormal hadisələrə inanmağa daha çox meyllidirlər.
Tədqiqat həmçinin respondentlərin 17 faizinin Loch Ness canavarına inandığını aşkar edib.
…Nəticələrimiz göstərir ki, folklor köhnə bir şey deyil. Ənənəvi inanclar milyonlarla insanın müasir həyatının ayrılmaz hissəsidir. 13-cü cümə günü neçə nəfər sağsağanı salamlayır, nərdivanın altından keçməkdən imtina edir və ya lazımsız bir şey etməkdən çəkinməyə çalışır?- deyə tədqiqata rəhbərlik edən Dr. David Clarke qeyd edir.
Həmçinin, tədqiqat iştirakçılarının təxminən 10 faizi izah edə bilmədikləri UNO-lar və ya digər səma cisimləri gördüklərini bildiriblər.
Təxminən 24 faizi yadplanetliləri daşıyan kosmik gəminin Yerə düşdüyünə, 15 faizi isə yadplanetlilərin Stounhenc (bu, İngiltərənin cənubunda yerləşən qədim bir meqalitdir-A.B.)kimi qədim abidələrin inşasında iştirak etdiyinə inanır. Respondentlərin təxminən üçdə biri hökumətlərin yadplanetlilərin mövcudluğunu ört-basdır etdiyini iddia edir. Tədqiqat göstərib ki, insanların əksəriyyəti - demək olar ki, üçdə biri - bütün UFO müşahidələrinin təbii səbəblər, insan fəaliyyəti və ya saxtakarlıqlarla izah edilə biləcəyinə inanır.
Nazlı Almuradova
