BAKI, 3 noyabr. TELEQRAF
İspaniyanın "Real Madrid" klubu futbolçusu Arda Gülərə görə Türkiyənin "Fənərbağça" klubuna əlavə ödəniş edəcək.
Teleqraf "Diario AS"a istinadən xəbər verir ki, türkiyəli yarımmüdafiəçi "kral klubu"nun heyətində 75-ci matçını keçirdiyi üçün keçmiş komandasına 2 milyon avro qazandırıb.
20 yaşlı oyunçu buna La Liqanın XI turunda "Valensiya"nı 4:0 hesabı ilə məğlub etdikləri matçda iştirak etməklə nail olub.
Qeyd edək ki, Arda Gülər 2023-cü ilin iyul ayında "Fənərbağça"dan "Real Madrid"ə keçib. Madrid təmsilçisi onun üçün ümumilikdə 26 milyon avro ödəyib. Gülər klubun heyətində keçirdiyi 75 oyunda 15 qol vurub və 17 məhsuldar ötürmə edib.
