Pakistanın “Global Industrial & Defence Solutions” (GIDS) şirkəti “Shahpar-III” pilotsuz uçuş aparatının dəniz variantını PIMEC-2025 sərgisində nümayiş etdirir.
“Poliqon” xəbər verir ki, “Shahpar-III”, müşahidə, kəşfiyyat və döyüş tapşırıqlarını yerinə yetirmək üçün hazırlanmış MALE (orta hündürlük və uzaq məsafə) sinifli PUA-dır.
Bu PUA GIDS-in müdafiə texnologiyalarında innovasiya və mükəmməlliyə sadiqliyini nümayiş etdirir. “Shahpar-III”ün inkişaf etmiş xüsusiyyətləri, möhkəm dizaynı və çevik imkanları onu müasir hərbi əməliyyatlar üçün uyğun platforma edir.
Müşahidə-kəşfiyyat rejimində PUA-nın havada qalma müddəti 30 saat, silahlanmış rejimdə isə 16 saata qədərdir. Onun xidmət tavanı 28000-30000 fut, maksimum uçuş çəkisi 1600 kq-dir. “Shahpar-III”, qanadlarının altında yer alan 6 asqı nöqtəsində 570 kq faydalı yük daşıya bilir.
