"Qarabağ" Azərbaycan çempionatlarında 350-ci "quru" hesablı qələbəsini qazanıb.
Apasport.az Peşəkar Futbol Liqasının mətbuat xidmətinə istinadən xəbər verir ki, Misli Premyer Liqasının X turunun "İmişli" ilə oyunu "Qarabağ" üçün yubileylə əlamətdar olub.
Ağdam klubu ölkə çempionatlarında 350-ci "quru" hesablı qələbəsini 2 cavabsız qolla qazanıb.
"Qarabağ" 202 dəfə evdə, 145 dəfə səfərdə, 3 dəfə neytral meydanda qol buraxmadan qalib gəlib. Ağdamlıların ilk belə qələbəsi 1992-ci il mayın 6-da "Şirvan"la ev matçına (6:0) təsadüf edib. "Qarabağ"ın "quru" hesablı qələbələrindən beşi cari mövsüm qeydə alınıb.
Qeyd edək ki, "Neftçi" 319, "Şamaxı" 186, "Kəpəz" 150, "Bakı" 147, "Turan" 145 görüşdə qol buraxmadan xal itirməyib.
“Neftçi” “Qəbələ”yə qalib gəlib
Saşa İliç: “Futbolçularımı təbrik edirəm"
Elmar Baxşıyev: “Komanda olaraq daha artığını etməliyik”
“Araz” “Sumqayıt” səfərindən əliboş qayıdır - YENİLƏNİB
Kayl Spens: "Oyunların nəticəsini əvvəlcədən bilsəydim…”
