“ABŞ-nin dünyanı 150 dəfə partlatmaq üçün kifayət qədər nüvə silahı var”.
Missiya.Az xəbər verir ki, bunu ABŞ Prezidenti Donald Tramp “CBS NEWS” telekanalına müsahibəsində deyib.
"Bizim hər hansı digər ölkədən daha çox nüvə silahımız var. Rusiya ikinci yerdədir. Çin isə üçüncüdür, lakin onlar beş ildən sonra bizimlə bərabər olacaqlar. Bilirsiniz, onlar nüvə silahlarını sürətlə istehsal edirlər və məncə, nüvəsizləşdirmə ilə bağlı nəsə etməliyik, bu da olacaq. Mən bunu həm Rusiya Prezidenti Vladimir Putinlə, həm də Çin lideri Si Cinpinlə müzakirə etmişəm", - deyə siyasətçi vurğulayıb.
Onun sözlərinə görə, nüvə silahı sınaqları onun necə işlədiyini görmək üçün lazımdır.
"Bilirsiniz, bunu həqiqətən etmək lazımdır və bunu deməyimin səbəbi Rusiyanın nüvə silahını sınaqdan keçirəcəyini elan etməsidir. Diqqət edirsinizsə, Şimali Koreya və başqa ölkələr də silahlarını sınaqdan keçirir. Sınaq keçirməyən yeganə ölkə bizik. Və mən istəmirəm ki, sınaqdan keçirməyən yeganə ölkə biz olaq", - deyə Tramp əlavə edib.
Daşqın HəsənovMissiya.Az
