Məşhur reper narkotik ittihamı ilə həbs olunub
Ajans.az BBC-ə istinadən xəbər verir ki,hökumət orqanları bildirir ki, Namewee hər iki ittiham üzrə özünü günahkar bilməyib və ötən ay həbsdən sonra girov müqabilində azadlığa buraxılıb. 42 yaşlı reper, Malayziyada ədəbsizlikdən, dinə və Çinin senzurasına qədər tabu mövzuları əhatə edən satirik mahnıları və musiqi videoları ilə tanınır. Bazar günü İnstaqram hesabında paylaşım edən Namewee narkotik istifadə etdiyini və ya saxlamağı inkar edib: “Polis hesabatı açıqlananda həqiqət üzə çıxacaq.” Kuala Lumpur polis rəisi Fadil Marsus bildirib ki, Namewee 22 oktyabrda otel otağında həbs olunub və burada MDMA (ekstaz) həbləri tapılıb. Bundan əlavə, Namewee-nin amfetamin, metamfetamin, ketamin və THC də daxil olmaqla qanunsuz maddələr üzrə testlərinin müsbət çıxdığı və iki gün həbs olunduğu açıqlanıb. Polis bildirir ki, Namewee eyni oteldə tayvanlı nüfuz sahibi İris Hsieh-in otağında ölü tapıldığı vaxtda olub. Reper İnstaqramda Hsieh-in ölümündən “dərin təəssüf hissi keçirdiyini” bildirib və əlavə edib ki, təcili yardım hadisə yerinə təxminən bir saat sonra çatıb. Namewee həmçinin işin araşdırılması zamanı susduğunu qeyd edib, lakin son günlərdə şantaj aldığını və “sona qədər mübarizə aparacağını” iddia edib. Qeyd edək ki, əgər Namewee narkotik saxlama ittihamı üzrə təqsirli bilinərsə, beş ilə qədər həbs ilə üzləşə bilər.
