ABŞ nüvə başlığı daşıya bilən “Minuteman III” qitələrarası ballistik raketini (ICBM) sınaqdan keçirməyə hazırlaşır. ICBM sınağı Donald Trampın nüvə əməliyyatlarını bərpa etmək qərarından bəri ilk sınaq ola bilər.
“Newsweek” jurnalı xəbər verir ki, ballistik raket Kaliforniyadakı ABŞ Kosmik Qüvvələri bazasından Sakit Okeandakı Marşal adalarındakı raketdən müdafiə poliqonuna doğru atılacaq. Qarşıdan gələn sınaq son iki ayda ikinci sınaq olacaq. Sentyabr ayında ABŞ ordusu Atlantik okeanına dörd silahsız Trident II D5 raketini atmışdı.
Xatırladaq ki, ABŞ sonuncu dəfə “Minuteman III” ICBM-ini 22 mayda sınaqdan keçirib. O, saatda 15.000 mildən çox sürətlə 4300 mil məsafə qət edib. ABŞ ordusunun xidmətində təxminən 400 Minuteman III raketi var.
//Samir Qurbanov, Editor.az
