Türkiyədə rus paraplanerçi təlim uçuşu zamanı öldü.
İnterpress.az xəbər verir ki, 37 yaşlı kişi Babadağdan uçuş zamanı qayalığa düşüb.
Fəthiyədə rusiyalı paraplanerçi Veçeslav Qribanov uçuş zamanı qayalığa düşərək həlak olub. Hadisə 1700 metr hündürlükdə yerləşən Babadağ uçuş nöqtəsində baş verib.
Təcili yardım ölüm faktını təsdiqləyib.
O, digər kurs iştirakçıları ilə Türkiyədə təlimdə idi və faciədən bir neçə saat əvvəl sosial şəbəkədə video paylaşmışdı.
Xuraman Etibarlı
İnterpress.az
