Səudiyyə Ərəbistanı şahzadəsi Məhəmməd bin Salman 18 noyabrda ABŞ prezidenti Donald Trampa rəsmi işgüzar səfərlə Ağ Evə gələcək. Bu barədə Ağ Evin nümayəndəsinə istinadən “Reuters” agentliyi məlumat verib.
Səfər cənab Trampın Səudiyyə Ərəbistanını Əbraham razılaşmalarına qoşulmağa inandırmaq cəhdləri ilə paralel olaraq baş tutacaq. 2020-ci ildə ABŞ prezidenti BƏƏ, Bəhreyn, Sudan və Mərakeşlə İsraillə münasibətlərin normallaşdırılması barədə razılığa gəlmişdi.
O zaman Səudiyyə Ərəbistanı Fələstin dövlətçiliyinin yaradılması istiqamətində addımların atılmaması səbəbindən bu razılaşmalara qoşulmağa tərəddüd etmişdi, agentlik xatırladıb.
