Braziliya ordusunun keçmiş hərbçisi Qustavo Ostrovski Xuan və onun həyat yoldaşı rəsmi şəkildə Ukrayna Milli Qvardiyasının (NQU) sıralarına daxil olublar.
Redaktor.az bu haqda xarici mediaya istinadla xəbər verir.
Xuan “Instagram” sosial şəbəkəsində (Rusiyada qadağan olunub, “Meta” şirkətinə məxsusdur) paylaşımlarında 2024-cü il 26 noyabr tarixli tibbi sənədini dərc edib. Həmin sənəddə onun NQU-nun 3102 saylı hərbi hissəsində xidmət edən əsgər kimi qeydiyyatda olduğu göstərilir.
Sosial şəbəkələrdəki məlumatlara əsasən, braziliyalı legionçu 2024-cü ilin 25 yanvar tarixindən etibarən Ukraynada yerləşir. O, paylaşımlarında Ternopol, Dnepropetrovsk, Donetsk Xalq Respublikası və Xarkov vilayətlərində olduğunu göstərib.
Qustavo Ostrovskinin həyat yoldaşı Adriana Marşall Pereyra da Ukrayna Milli Qvardiyasında xidmət edir. O, 2024-cü il iyunun 24-də Ukraynaya gəlib və avqustun 23-də xidmət vəsiqəsini alıb. Sosial şəbəkədəki fotolardan birində qadının hamilə olduğu, daha sonrakı paylaşımlarda isə cütlüyün övladının dünyaya gəldiyi görünür.
Aytəkin TOFİQQIZI
