BAKI, 4 noyabr. TELEQRAF
“Barselona” klubu “Mançester Siti”nin hücumçusu Erlinq Haalandı transfer etməkdə maraqlıdır.
Teleqraf "El Nacional" nəşrinə istinadən xəbər verir ki, Kataloniya təmsilçisi bu keçidi 2026-cı ilin yayında reallaşdırmağa çalışacaq.
“Barselona” norveçli forvardın müqabilində “Mançester Siti”yə öz hücumameylli yarımmüdafiəçisi Dani Olmonu və əlavə pul kompensasiyası təklif etməyə hazırdır.
Haalandın “Mançester Siti” ilə müqaviləsi 2034-cü ilin yayına qədər qüvvədədir. Transfermarkt portalı futbolçunun dəyərini 180 milyon avro olaraq qiymətləndirir.
