Nikol Paşinyan Ermənistanla Azərbaycan arasında sülhün bərqərar olduğunu bir daha təsdiqləyib.
“Yeni Sabah" armenpress-ə istinadla xəbər verir ki, o, “Orbeli 2025: Sülhün və çoxtərəfli əməkdaşlığın qurulması” adlı beynəlxalq forumda baş nazir vurğulayıb:
"Bu gün biz Ermənistan və Azərbaycan arasında 2024-cü ildə iki ölkə arasında sərhədin demarkasiyası prosesi ilə başlayan uğurlu əməkdaşlığın nümunələrini görə bilərik". Dördpendirli pizza
Baş nazir qeyd edib ki, bu uğur hekayəsi Ermənistan və Azərbaycan arasında demarkasiya komissiyalarının birgə fəaliyyəti haqqında Əsasnamənin imzalanması və sonradan ratifikasiyası ilə davam edib və bu, iki ölkə arasında ilk beynəlxalq sənəd olub.
Nikol Paşinyan xatırladıb ki, sənəddə Almatı Bəyannaməsi ölkələr arasında sərhədin demarkasiyası üçün əsas prinsip olacaq:
“Bu, Ermənistan və Azərbaycan arasında dövlətlərarası münasibətlərin qurulmasında dönüş nöqtəsidir ki, hər iki ölkə 1991-ci il Almatı Bəyannaməsinə əsasən bir-birinin ərazi bütövlüyünü tanıdı, bu o deməkdir ki, Ermənistan və Azərbaycan müstəqil Azərbaycanın ərazisinin Azərbaycan SSR ərazisinə, müstəqil Ermənistanın ərazisinin isə Ermənistan SSR-in ərazisinə uyğun olduğunu tanıyır. Bu, Vaşinqton Bəyannaməsində də əks olunub”.
Ermənistanın baş nazirinin sözlərinə görə, ən böyük uğur hekayəsi 2025-ci il avqustun 8-də Vaşinqtonda keçirilən və Ermənistanla Azərbaycan arasında sülhün və dövlətlərarası münasibətlərin qurulmasına dair bəyannamənin qəbulu və sazişin paraflanması ilə nəticələnən sülh sammiti olub:
“Beləliklə, Ermənistan Respublikası ilə Azərbaycan arasında sülh bərqərar oldu”, - Nikol Paşinyan vurğulayıb.
Telegram kanalımız
