Azvision saytından verilən məlumata əsasən, ain.az məlumatı açıqlayır.
AzVision.az “20minutes” nəşrinə istinadən xəbər verir ki, “F-35”-lərin tədarükü ilə bağlı ilk mənfi fikri Belçikanın Müdafiə naziri Teo Franken söyləyib. “Ölkənin hava məkanında bu təyyarələrlə təlimlər keçirmək yetərli olmayacaq. Bununla əlaqədar, Belçika Fransa, İtaliya və Hollandiya ilə potensial təlimlər zamanı onların hava məkanından istifadə imkanları barədə danışıqlar aparır”, - Teo Franken parlament dinləmələrində deyib. Nəşr qeyd edir ki, nazirin bəyanatı internetdə istehzaya səbəb olub, hava məkanı Amerika döyüş təyyarələri üçün “çox az yer” olduğu üçün Belçika “gülüş hədəfi” adlandırılıb. Digər narahatlıq isə yeni təyyarənin səs-küyüdür. Qəzetin məlumatına görə, “F-35” hazırda Belçikanın arsenalında olan “F-16”-lardan demək olar ki, beş dəfə hay-küylüdür ki, bu da aviabazaların yaxınlığında yaşayan sakinlər üçün ciddi problem yarada bilər. Ölkənin Müdafiə nazirliyi ictimaiyyətə yüksək səslə buraxılışın səbəbini izah edən kitabça da paylayıb: “F-35” mühərriki “F-16” mühərrikindən demək olar ki, iki dəfə güclüdür, ona görə də səs-küy səviyyəsi daha yüksəkdir. Üstəlik, “F-35”-in bir saatlıq uçuşunun qiyməti 50 min avroya çatır və bu, onu istismar üçün ən bahalı döyüş təyyarələrindən birinə çevirir. Bu xərclər müqabilində uçuşların ciddi şəkildə tənzimlənməsi nəzərdə tutulur. Xatırladaq ki, Belçika 2018-ci ildə 3,6 milyard avro dəyərində 34 ədəd “F-35” döyüş təyyarəsi üçün müqavilə imzalayıb. İlkin olaraq tədarüklər 2023-cü ilə planlaşdırılıb, lakin çatdırılma müddəti uzadılıb. Nəticədə Brüssel 30 ədəd “F-16” qırıcısının Kiyevə verilməsini təxirə salıb. Oktyabrın 13-də Belçikanın Florendəki hərbi bazası ilk üç “F-35” qırıcısını qəbul edib. Sahil İsgəndərov
AzVision.az
Ən son xəbərləri və yenilikləri almaq üçün ain.az saytını izləyin.
