ain.az bildirir, Qafqazinfo saytına əsaslanaraq.
Avstraliyada fəaliyyət göstərən Azərbaycan Mədəniyyət Mərkəzinin təşəbbüsü ilə görkəmli bəstəkar Üzeyir Hacıbəylinin 140 illiyinə həsr olunmuş “Arşın mal alan” əsəri əsasında müasir musiqili tamaşa hazırlanıb.
“Qafqazinfo” xəbər verir ki, bu barədə Mədəniyyət Mərkəzinin rəhbəri Leyla Qasımova jurnalistlərə açıqlamasında məlumat verib.
Onun sözlərinə görə, Azərbaycan mədəniyyətini təbliğ edən bu səhnə əsəri “Samt und Seide” (ipək və məxmər) layihəsi çərçivəsində təqdim edilib: “Layihə ilk dəfə olaraq Avstraliyada yerli yaradıcı heyətin iştirakı ilə ərsəyə gəlib. Tarixi kostyumlar istisna olmaqla, rejissor, dirijor, aktyorlar və xoreoqraflar daxil olmaqla bütün komanda avstraliyalı mütəxəssislərdən ibarət olub.
Tamaşa sentyabrın 30-u, oktyabrın 31-i və noyabrın 2-də səhnələşdirilib. Nümayişlərdən sonra 20-dən çox media qurumu Mədəniyyət Mərkəzinə müsbət rəy göndərib. Bu dövlət layihəsi deyil, lakin görünür ki, gələcəkdə davam etdiriləcək.
Layihə vasitəsilə biz Azərbaycan musiqisinin zənginliyini və klassik dəyərlərini Avstraliya tamaşaçılarına tanıtmaq istəyirik. Qarşıdakı dövrdə bu istiqamətdə daha çox tədbirlərin təşkili planlaşdırılır”.
Qeyd edək ki, Avstraliyada yerləşən Azərbaycan Mədəniyyət Mərkəzi 2013-cü ildən fəaliyyət göstərir. Mərkəzin rəsmi açılışı həmin il ölkə başçısı və birinci xanımın iştirakı ilə təntənəli şəkildə keçirilib. O vaxtdan etibarən Mərkəz Azərbaycan mədəniyyəti və incəsənətinin təbliği istiqamətində bir sıra mühüm layihələr reallaşdırıb.
Sonrakı hadisələr barədə daha çox məlumat almaq üçün ain.az saytını izləyin.
