“Qarabağ”ın oyununa ikinci əl bilet satışına qarşı tədbirlər görülür.
“iTicket.az” “Qarabağ”ın Çempionlar Liqasındakı oyunları ilə bağlı biletlərin ikinci əl satışının (qara bazarın) qarşısını almaq məqsədilə aidiyyəti dövlət qurumları ilə birlikdə genişmiqyaslı araşdırmalara dəstək göstərir.
Bu istiqamətdə monitorinqlər, texniki yoxlamalar və məlumat mübadiləsi həyata keçirilir.
Layihənin məqsədi, bilet satışında şəffaflığın artırılması və azarkeşlərin biletləri rəsmi kanallar vasitəsilə əldə etməsini təmin etməkdir. (Azxeber.com)
