Vaşinqton Çin, Rusiya və KXDR vətəndaşlarını və şirkətlərini hədəfə alıb...
Poliqon xəbər verir ki, ABŞ Maliyyə Nazirliyi Şimali Koreya ilə əlaqəli yeni sanksiyalar paketini elan edib. Reuters Agentliyinin məlumatına görə, Vaşinqton bu dəfə həm Şimali Koreya, həm Çin, həm də Rusiya vətəndaşlarını və təşkilatlarını hədəfə alıb.
Nazirliyin rəsmi saytında dərc olunan məlumata əsasən, sekundar sanksiyalar siyahısına səkkiz nəfər daxil edilib. Onların arasında Şimali Koreya, Çin və Rusiya vətəndaşları yer alır.
Bundan əlavə, sanksiyalara Korea Mangyongdae Computer Technology Corp. adlı texnologiya şirkəti və Ryujong Credit Bank – Şimali Koreyaya məxsus kredit bankı da əlavə olunub.
ABŞ Maliyyə Nazirliyi qeyd edir ki, bu addım Pxenyanın maliyyə və texnoloji şəbəkələrinin beynəlxalq səviyyədə fəaliyyətini məhdudlaşdırmaq məqsədi daşıyır. Yeni sanksiyalar KXDR-in nüvə və raket proqramlarını maliyyələşdirən şəxslərə və strukturlara təzyiqi daha da artıracaq.
Ekspertlər hesab edirlər ki, bu sanksiyalar paketi Vaşinqtonun Şimali Koreyaya qarşı “maksimum təzyiq” siyasətinin davamı kimi qiymətləndirilməlidir.
Poliqon.info
