Kremldə prezident Vladimir Putinlə əvvəlcədən çəkilmiş görüşləri “təzə” kimi təqdim etmək üçün məmurlara maraqlı tapşırıq verilib: “konserv”in çəkildiyi və yayımlandığı günlərdə eyni paltarı geyinmək. Amma məmurları ələ verən xırda detallar bu saxtakarlığı üzə çıxarır.
Musavat.com xarici agentliklərə istinadən xəəbr verir ki, bununla bağlı yeni maraqlı detallar açıqlanıb.
2025-ci ildə Kremlin mətbuat xidməti Putinin bir çox əvvəlcədən lentə alınmış görüşlərini ictimaiyyətə guya həmin gün baş verirmiş kimi təqdim edib. Belə videolar “konserv” adlanır — onlar, prezidentin ictimaiyyət qarşısında görünmədiyi günlərdə yayımlanır.
Daha əvvəl “Sistem” (“Система”) layihəsi bu cür saxtalaşdırmaları prezidentin kabinetindəki kitabların düzülüşünə və stol üzərindəki qələmlərin yerinə baxaraq aşkar etmək üsulunu göstərmişdi. (Bu barədə daha əvvəl saytımızda — “Putinin ‘konservlərini’ kitabların və qələmlərin düzülüşündən tanımaq olar” məqaləsi dərc olunub .)
İndi isə jurnalistlər Kremlin yeni hiyləsini ifşa ediblər.
Məlum olub ki, “konserv” yayımlandığı gün həmin videoda iştirak edən məmurlar ictimai tədbirlərdə eyni geyimdə görünürlər — guya həmin görüşlər doğrudan da eyni gündə baş tutub. Lakin geyim və aksessuarlardakı kiçik fərqlər, eləcə də Putinin kabinetindəki kitab və əşyaların düzülüşü Kremlin yalanını ifşa edir.
Çupşeva 2025-ci ildə iki “konserv”də yer alıb — biri apreldə, biri sentyabrda yayımlanıb. İlk videoda o, qızılı düyməli qara jaket geyinmişdi. Elə həmin geyimlə 9 aprel günü hökumət iclasına və Rusiya Cərrahlar Cəmiyyəti ilə müqavilə imzalanmasına da qatılıb.
Əgər Kremlin rəsmi versiyasına inansaq, bu üç tədbir eyni gündə baş tutub. Amma Putinin kabinetindəki kitabların düzülüşü (ətraflı şəkildə daha əvvəlki materialda göstərilmişdi) bunun əksini sübut edir. Bundan başqa, Çupşevanın qulaqlıqları da fərqli idi: Kreml videosunda bir cüt, 9 apreldəki real tədbirdə isə başqa cüt sırğa taxmışdı.
Qriqorenko “konserv”də tünd-mavi, damcı naxışlı qalstuk və sol biləyində iri saat taxmışdı. Görüntülərin əvvəlcədən lentə alındığını Putinin kitab şkafındakı dəyişikliklər sübut edir — həmin vaxt şkafda Kostroma desantçı şairlərinin poeziya toplusu hələ görünmürdü; o kitab yalnız 13 avqustda yayımlanan kadrda ilk dəfə peyda olmuşdu.
Maraqlıdır ki, 25 avqustda hökumət iclasına gələn Qriqorenko eyni qalstuk və eyni saatla çıxış edib — görünür, “konserv”lə uyğunluğu saxlamaq üçün.
Radionova Putinin qəbuluna metal düyməli mavi bluzada gəlmişdi. Bu, “konserv” idi — çünki prezidentin kitab şkafında VDV şairlərinin poeziya toplusu hələ görünmürdü (o, yalnız avqustda oraya əlavə edilmişdi). Maraqlıdır ki, Radionova həmin bluzada Federasiya Şurasındakı real iclasa da qatılıb, amma detallar fərqlənirdi:
Kremldəki görüşdə yalnız qolbaq, Senatda isə saat və üzük taxmışdı.
Putinin “dəmir” qələmləri və dəyişməyən detalları
Jurnalistlərin müşahidəsinə görə, Putinin kabinetindəki kitabların düzülüşü heç bir məntiqə tabe deyil. Bəzən kitablar tamamilə yox olur, sonra yenidən əvvəlki vəziyyətdə – hətta santimetrinə qədər eyni qaydada geri qayıdır.
Eyni vəziyyət prezidentin masasındakı qələm və karandaşların düzülüşü ilə də müşahidə olunur.
Məsələn, 2025-ci ilin sentyabrında Çupşeva ilə, oktyabrda isə Radionova ilə keçirilən görüşlərdə qələmlərin və karandaşların yerləşməsi tam eyni idi. Halbuki bu iki görüş arasında demək olar, yarım ay fərq və doqquz müxtəlif tədbir olmuşdu — hər dəfə qələmlər fərqli düzülmüşdü, yalnız bu iki “konserv”də eyni vəziyyətdə idi.
Beləliklə, Kremlin “konserv fabriki”nin yeni mərhələsi artıq təkcə “kitabların yerindən” deyil, məmurların geyimlərindən və Putinin masasında dəyişməyən detallardan da tanınır.
Musavat.com
