"Barselona"nın baş məşqçisi Hans-Diter Flik cari mövsümün sonunda klubu tərk edə bilər.
QOL.az xəbər verir ki, bu barədə ABC məlumat yayıb.
Almaniyalı mütəxəssis yayda ayrılmaq niyyəti barədə məşqçilər heyətinə məlumat verib. O, bu qərarına səbəb kimi klubdaxili vəziyyəti, yorğunluq və məyusluğu göstərib.
Flik bəzi oyunçuların iş etikasından narazıdır və "Barselona" rəhbərliyinin kifayət qədər dəstəyini hiss etmir. Məşqçi hesab edir ki, o, layihəsini tam həyata keçirməkdən yayındırılır.
Qeyd edək ki, Hans-Diter Flik ötən ildən Kataloniya təmsilçisini çalışdırır.
