Demokratlar Partiyasından merliyə namizəd Zöhran Məmdani ilkin qeyri-rəsmi nəticələrə görə, səslərin 50,4 faizini toplayaraq Nyu-York şəhərinin ilk müsəlman meri seçilib.
Reyting.az xəbər verir ki, səsvermə yerli vaxtla saat 21:00-da başa çatıb və bülletenlərin 89 faizi sayılıb.
Məlumata görə, ilkin qeyri-rəsmi nəticələrə görə, Məmdani səslərin 50,4 faizini toplayaraq ən yaxın rəqibi, müstəqil namizəd Endryu Kuomoya doqquz faiz səslə qalib gəlib. Kuomo səslərin 41,6 faizini, respublikaçı namizəd Körtis Sliva isə 7,2 faizini toplayıb.
Nyu-Cersi qubernator seçkilərində Demokrat Partiyasının namizədi Miki Şerril 56 faiz səslə yarışı qazanıb.
ABŞ prezidenti Donald Trampın dəstəklədiyi respublikaçı rəqibi Cek Çiattarelli isə 43,4 faiz səslə yarışı başa vurub.
Virciniya qubernator seçkilərində Demokrat Partiyasının namizədi Abigail Spanberger səslərin 56,9 faizini toplayaraq yarışa liderlik edib, Respublikaçı Partiyasının namizədi Uinsom Erl-Sirs isə 42,9 faiz səslə ikinci olub.
“Nyu-Yorkun ilk müsəlman meri” titulunu qazanan Zöhran Məmdaninin seçkilərdə qələbə qazanması Demokrat Partiyasına əlavə stimul hesab olunur.
Fələstinə dəstəyi və İsrailin Qəzzada insan haqları pozuntularını tənqid etməsi ilə tanınan Məmdani Nyu-Yorkun ilk müsəlman və Cənubi Asiyalı meri olub.
Seçkidən sonra Məmdani deyib: “Bu şəhər artıq yalnız varlıların olmayacaq, bu, hər kəsin Nyu-Yorku olacaq. Biz bu hərəkatı birlikdə qurduq. Nyu-York indi ümid, ədalət və həmrəylik şəhəri olacaq. Bizi bölməyə çalışanlara qarşı Nyu-Yorku birləşdirəcəyik. İndi hər kəsin səsi bu şəhərdə eşidiləcək”.
Nyu-Yorkun ilk müsəlman meri Məmdani prezident Trampa da müraciət edib: “Bu şəhər sizin şəhərinizdir və bu demokratiya sizin demokratiyanızdır. İstər immiqrant, istər transgender icmasının üzvü, istər Donald Tramp tərəfindən federal işdən çıxarılan çoxsaylı qaradərili qadınlardan biri, istər ərzaq məhsullarının baha olmasını gözləyən subay ana, istərsə də divara dirənmiş hər kəs olun, sizin mübarizəniz bizim mübarizəmizdir. Yəhudi Nyu-Yorklularla birlikdə möhkəm dayanacaq bir Bələdiyyə Binası quracağıq və antisemitizmə qarşı mübarizədə heç vaxt güzəştə getməyəcəyik. Nyu-York 1 milyondan çox müsəlmanın özlərini aid olduqlarını hiss etdiyi bir yer olacaq.
Donald Tramp, bilirəm ki, məni izləyirsən, ona görə də sənə sözüm var. Bizə çatmaq istəyirsinizsə, əvvəlcə hamımıza çatmalısınız. Pis ev sahiblərini məsuliyyətə cəlb edəcəyik, çünki şəhərimizin trampları kirayəçilərindən istifadə etməkdə çox rahatlaşıblar. Tramp kimi milyarderlərin vergilərdən yayınmasına və vergi güzəştlərindən yararlanmasına imkan verən korrupsiya mədəniyyətinə son qoyacağıq. Həmkarlar İttifaqlarının yanında olacağıq və işçilərin hüquqlarını genişləndirəcəyik, çünki Donald Trampın bildiyi kimi, işçi sinfinin hüquqları dəmir barmaqlıqlarla qorunduqda, onları istismar etməyə çalışan müdirlər cırtdandırlar”.
V. QULİYEV
