Portuqaliya hakimiyyəti Atlantik okeanında 1,7 tondan çox kokain daşıyan yarımsualtı qayığı ələ keçirib və sualtı qayığın dörd heyəti saxlanılıb.
Reyting.az xəbər verir ki, ələ keçirilən yarımsualtı qayıq İberiya yarımadasına doğru üzürmüş.
Polis əməliyyat zamanı saxlanılan dörd nəfərin - iki ekvadorlu, bir venesuelalı və bir kolumbiyalının - dünən Azor adalarında məhkəmə qarşısına çıxarıldıqdan sonra həbs olunduğunu açıqlayıb.
Portuqaliyanın narkotiklə mübarizə bölməsinin rəhbəri Vtor Ananias bildirib ki, həbs olunan şəxslərin müxtəlif milliyyətləri onların əlaqəli olduğu təşkilatın tək bir ölkə ilə bağlı olmadığını göstərir.
Lissabonda yerləşən Dəniz Təhlili və Əməliyyatları Mərkəzi (MAOC) bir neçə gün əvvəl “cinayətkar bir təşkilatın Avropaya kokainlə yüklənmiş sualtı qayıq göndərdiyi” barədə məlumat aldığını bildirib. Əməliyyatdan görüntülərdə polis və donanmanın gəmini mühasirəyə aldığı, sonra ona mindiyi, narkotiki ələ keçirdiyi və dörd heyət üzvünü saxladığı göstərilir.
V. QULİYEV
