.jpg)
Türkiyənin Ordu vilayətinin Fatsa rayonunda yerləşən daş karxanasında çökmə baş verib. Hadisə zamanı torpaq altında qalan iki işçidən biri cansız halda çıxarılıb. Digər işçini tapmaq üçün axtarış-xilasetmə işləri davam edir.
Milli.Az xəbər verir ki, rayon valisi karxananın rayon mərkəzindən 7 kilometr uzaqda olduğunu qeyd edərək deyib:
"Gündəlik işlər çərçivəsində saat 12:00 radələrində partlayış aparılıb. Saat 16:30-dan sonra isə yuxarı səthdən torpaq kütləsinin sürüşməsi baş verib. Hal-hazırda torpaq altında bir yük maşını və bir iş maşını, həmçinin onların sürücüləri var."
Vali bildirib ki, digər işçi - yük maşını sürücüsünün tapılması üçün işlər davam etdirilir, lakin prosesi çətinləşdirən təhlükəli torpaq hərəkəti mövcuddur:
"Operatorun cansız bədənini çıxardıq. Yak maşını sürücüsünə çatmaq üçün işlər davam edir, lakin sahə çox risklidir. Torpaq kütləsi hərəkətlidir və burada çalışan 4 ekskavator və xilasetmə qrupları üçün təhlükə yaradır. Risk vəziyyətini qiymətləndirib işlərin davam etdirilib-etdirilməyəcəyinə qərar veriləcək."
Lalə Qüdrətova
Milli.Az
Məqaləyə dair fotomateriallar:
.jpg)
.jpg)
