Vaşinqton, 6 noyabr, AZƏRTAC
ABŞ Prezidentİ Donald Tramp Çin və Rusiya ilə birlikdə nüvəsizləşdirmə planı üzərində işləyə biləcəyini deyib. AZƏRTAC-ın məlumatına görə, bu barədə Mayamidə keçirilən Amerika Biznes Forumundakı çıxışı zamanı danışan ABŞ Prezidenti planın detallarını açıqlamayıb.
“Nüvə silahımızı yenidən işlədik. Biz bir nömrəli nüvə gücüyük. Bunu etiraf etməyi xoşlamıram, çünki bu, çox dəhşətlidir. Rusiya ikinci, Çin böyük fərqlə üçüncüdür, amma onlar dörd-beş il ərzində bizə çatacaqlar. Ola bilsin ki, biz üçümüz nüvəsizləşdirmə planı üzərində işləyəcəyik. Bunun alınıb-alınmayacağını görəcəyik”,- deyə Tramp əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
