Xalqımızın qüdrətinin və milli qürurumuzun təntənəsinə çevrilən möhtəşəm Qələbəmiz Prezident İlham Əliyevin Sərəncamı ilə əbədiləşdirildi. Şuşa şəhərinin işğaldan azad edilməsinin tarixi əhəmiyyəti nəzərə alınaraq noyabrın 8-i Zəfər Günü elan edildi. Prezident İlham Əliyevin 2023-cü il 31 iyul tarixli Sərəncamına əsasən 8 Noyabr – Şuşa Şəhəri Günü kimi təntənəli şəkildə qeyd olunur. İşğaldan azad edilmiş şəhər günlərinin təsis olunması Vətən müharibəsində qazanılmış tarixi qələbəni əbədiləşdirmək məqsədi daşıyır. Prezident, Müzəffər Ali Baş Komandan İlham Əliyev Vətən müharibəsinin ilk günlərindən deyirdi ki, Şuşasız bizim işimiz yarımçıq qalar. Müharibənin davam etdiyi 44 gün ərzində rəşadətli Ordumuz Şuşaya doğru dayanmadan, inamla irəlilədi. Vaxtilə xəyal kimi görünən bu arzu noyabrın 8-də reallığa çevrildi. 2021-ci il yanvarın 14-də isə dövlətimizin başçısı, qəhrəman Ali Baş Komandan İlham Əliyev Şuşa şəhərində üçrəngli bayrağımızı ucaltdı və bununla da dünya birliyinə “Qarabağ Azərbaycandır!” reallığını nümayiş etdirdi.
Vətəninfo.az xəbər verir ki, Demokratiya və İnsan hüquqları Komitəsinin sədri, hüquq üzrə fəlsəfə doktoru Çingiz Qənizadə 8 Noyabr – Şuşa Şəhəri Günü ilə əlaqədar təəssüratlarını bizimlə bölüşərkən bu fikirləri səsləndirib.
Hüquq müdafiəçisi deyib ki, uzun illər davam edən ayrılıqdan sonra doğma Şuşaya qayıtdıq. Bu qayıdışımız Şuşaya yeni ruh, yeni nəfəs verdiş. Azadlığına qovuşmuş qədim şəhər artıq böyük quruculuq, təmir-bərpa işlərinin, möhtəşəm tədbirlərin məkaanına çevrilib. Düşmən tapdağından azad edilmiş Şuşa artıq yeni inkişaf mərhələsinə qədəm qoyub. Son illər Şuşa şəhərində bir sıra mühüm infrastruktur layihələri icra olunub və bu proses uğurla davam etdirilir. Bunlardan biri igid oğullarımızın Şuşaya doğru dağların, meşələrin qoynu ilə irəliləyərək açdığı cığır boyu avtomobil yolunun salınmasıdır. Prezident İlham Əliyev Şuşaya 101 kilometr uzunluğu olan bu yolu “Zəfər Yolu” adlandırıb.
Tanınmış hüquqşünas Qarabağ Zəfərinə aparan yolun başlanğıcından söhbət açaraq deyib ki, bu yolun əsası Ulu Öndər Heydər Əliyev tərəfindən qoyulmuşdu: “Sonrakı dövrdə həyata keçirilən kompleks tədbirlər və çoxşaxəli fəaliyyət xalqımızı Qələbəyə b addım-addım yaxınlaşdırdı. Prezident İlham Əliyev Ulu Öndərin qoyduğu möhkəm təməl üzərində dünyada söz sahibi olan, güclü iqtisadi və hərbi gücə malik qüdrətli Azərbaycan dövləti qurdu. Azərbaycan Ordusu ən müasir silah-sursat və hərbi texnika ilə təmin olundu, şəxsi heyətin döyüş qabiliyyətinin artırılması, mənəvi-psixoloji ruhunun yüksəldilməsi üçün bütün zəruri tədbirlər görüldü. Torpaqlarının 20 faizi düşmən tapdağında olan bir olkə üçün qüdrətli ordunun olması prioritet vəzifə idi. Möhtərəm Prezidentin rəhbərliyi və davamlı səyləri ilə güclü hərbi potensial yaradıldı. İldən-ilə artan hərbi güc və siyasi iradə nəticəsində BMT Təhlükəsizlik Şurasının illərdir yerinə yetirilməyən 4 qətnaməsini Azərbaycan 44 gün ərzində özü icra etdi. Xalqımızın öz lideri ətrafında yumruq kimi birləşməsi, görünməmiş milli həmrəylik nümayiş etdirməsi qələbənin təmin edilməsində mühüm rol oynadı. Müharibənin davam etdiyi 44 gün ərzində rəşadətli ordumuz Şuşaya doğru dayanmadan, inamla irəlilədi. Vaxtilə xəyal kimi görünən bu arzu noyabrın 8-də reallığa çevrildi;
Ç.Qənizadə Qarabağ Zəfərinin zirvəsində Şuşa əməliyyatının dayandığını vurğulayaraq deyib ki, qəhrəman əsgər və zabitlərimiz yolsuzluq şəraitində uzun məsafə qət edərək, sıldırım qayalardan və dərin dərələrdən keçərək düşməni Qarabağın döyünən qəlbi olan Şuşadan qovub çıxardı. Bu möhtəşəm zəfərin memarı Prezident İlham Əliyev Ata vəsiyyətini yerinə yetirərək Ulu Öndərin başladığı işi məntiqi sonluğuna çatdırdı, bununla da öz adını Azərbaycan tarixinə qüdrətli sərkərdə, Müzəffər Ali Baş Komandan kimi əbədi yazdırdı.
Tanınmış hüquqşünas Şuşanın Azərbaycanın mədəniyyət paytaxtı olduğunu deyərək bu barədə qəbul qanun qəbul edildiyini xatırladıb: 2021-ci il 31 may tarixində qəbul edilmiş “Azərbaycanın mədəniyyət paytaxtı – Şuşa şəhəri haqqında” Qanunu Şuşa şəhərinin qorunmasının, bərpasının, öyrənilməsinin, inkişafının və təbliğinin hüquqi və təşkilati əsaslarını müəyyən edir. Bundan əlavə, ölkə Prezidentinin sərəncamı ilə 2022-ci il Azərbaycan Respublikasında “Şuşa İli” kimi yddaşlara həkk olunmuş, 2022-ci il martın 31-də Türkiyə Respublikasının Bursa şəhərində Beynəlxalq Türk Mədəniyyəti Təşkilatına (TÜRKSOY) üzv ölkələrin Mədəniyyət Nazirlərinin Daimi Şurasının növbədənkənar iclasında Şuşa şəhəri 2023-cü il üçün “Türk dünyasının mədəniyyət paytaxtı” elan edilmişdir. Bütün bunlarla yanaşı, Şuşa şəhəri 2024-cü il üçün “İslam dünyasının mədəniyyət paytaxtı”, “İslam dünyasının mədəniyyət paytaxtı”, “İqtisadi Əməkdaşlıq Təşkilatının turizm paytaxtı” da elan edilmişdir.
“Azərbaycan Respublikasının Nazirlər Kabineti 2024-cü il 21 oktyabr tarixində “Şuşa şəhərinin 2040-cı ilədək inkişafına dair Baş planı”nı təsdiq edib. Şəhərin kopseptual sxemi hazırlanarkən yerləşdiyi coğrafiyanın təbii xüsusiyyətləri, tarixi-mədəni strukturu və gələcək yönümlü həllər əsas rol oynayıb”. –deyə Ç.Qənizadə bildirib.
