Bu il noyabrın 1-nə Azərbaycan Mərkəzi Bankının (AMB) valyuta ehtiyatları 11,368 milyard ABŞ dolları səviyyəsində olub.
Finss.az AMB-nin məlumatına əsasən xəbər verir ki, bu göstərici oktyabrın 1-i ilə müqayisədə 57,8 milyon ABŞ dolları və ya 0,5% artım deməkdir.
Eyni zamanda, ilin əvvəlindən etibarən AMB-nin valyuta ehtiyatları 408,8 milyon ABŞ dolları (yəni 3,7%) artıb. Bununla belə, son bir ildə ehtiyatlarda 3,4 milyon ABŞ dolları və ya 0,03% azalma qeydə alınıb.
Fuad Mədətov
Finss.az
