Bunu AzVision.az -a açıqlamasında deputat Vüqar İskəndərov deyib. Onun sözlərinə görə, Şuşa əməliyyatı dünya hərb tarixinin bir möcüzəsi idi.
“Bu şəhərin işğaldan azad olunması sanki Ermənistanın kapitulyasiyası üçün qırılma nöqtəsi idi. Çünki mənfur düşmənlərimizin ordumuzun əzəmətini məhz bu döyüşlərdə tam anladı. Qəhrəman əsgər və zabitlərimiz yolsuzluq şəraitində uzun məsafə qət edərək, sıldırım qayalardan və dərin dərələrdən keçərək düşməni Qarabağın döyünən qəlbi olan Şuşadan qovub çıxardı. Birmənalı demək olar ki, Qarabağ Zəfərinin zirvəsində Şuşa əməliyyatı dayanır.
Bu möhtəşəm zəfərin memarı Prezident İlham Əliyev Ata vəsiyyətini yerinə yetirərək Ulu Öndərin başladığı işi məntiqi sonluğuna çatdırdı, bununla da öz adını Azərbaycan tarixinə qüdrətli sərkərdə, Müzəffər Ali Baş Komandan kimi əbədi yazdırdı. Biz uzun illər davam edən ayrılıqdan sonra doğma Şuşaya qayıtdıq. Bu qayıdışımızla Şuşaya yeni ruh, yeni nəfəs gəldi.
Azadlığına qovuşmuş qədim şəhər artıq böyük quruculuq, təmir-bərpa işlərinin, möhtəşəm tədbirlərin şahidinə çevrilib. Düşmən tapdağından azad edilmiş Şuşanın yeni inkişaf dövrü başlayıb. Ötən illər ərzində Şuşa şəhərində bir sıra mühüm infrastruktur layihələri icra olunub. Şuşamızda yenə Xanın səsi, Natəvanın qəzəlləri, Üzeyirin nəğməsi səslənir”.
AzVision.az
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
