ain.az xəbər verir, 525.az saytına əsaslanaraq.
Gürcüstanın Baş Prokurorluğu keçmiş prezident Mixail Saakaşvili və digər yeddi müxalifət liderini konstitusiya quruluşunu pozmaqda ittiham edib.
525.az xəbər verir ki, bu barədə Gürcüstanın baş prokuroru Giorgi Qvarakidze brifinqdə bildirib.
O deyib ki, dövlət əleyhinə cinayətlərə görə həmin şəxslər barəsində cinayət təqibi başladılıb.
“Mixail Saakaşvili, Giorgi Vaşadze, Nika Qvaramiya, Nika Melia, Zurab Caparidze, Elena Xoştariya, Mamuka Xazaradze və Badri Caparidzeyə qarşı təxribat, düşmənçilik fəaliyyətində xarici dövlətə yardım, konstitusiya quruluşunun əsaslarına və milli təhlükəsizliyə qarşı yönəlmiş fəaliyyətləri maliyyələşdirmə, konstitusiya quruluşunun zorakılıqla dəyişdirilməsi və ya dövlət hakimiyyətinin devrilməsinə çağırışlara görə cinayət işi başladılıb”, - baş prokuror əlavə edib.
Pərvanə Sultanova
Sonrakı hadisələr barədə daha çox məlumat almaq üçün ain.az saytını izləyin.
