ADY qəbul etdiyi blok-qatarların sayın açıqladı

“Azərbaycan Dəmir Yolları" QSC (ADY) bu ilin 10 ayı ərzində 317 blok-qatar, o cümlədən 119 tranzit qatar qəbul edib.Metbuat.az xəbər verir ki, bu barədə səhmdar cəmiyyəti məlumat yayıb. Bu göstərici ötən ilin eyni dövrü ilə müqayisədə 32 %-lik artım deməkdir.

Qeyd olunan dövrdə ümumilikdə 112 min 608 TEU konteyner yük daşınıb ki, bu da 2024-cü ilin analoji dövrünün göstəricisindən (95 min 483 TEU) təxminən 18 % çoxdur.