ABŞ-ın Nyu-York şəhərində baş verən partlayış nəticəsində 7 yanğınsöndürən xəsarət alıb. Hadisə, şəhərin Bronks bölgəsində avtomobilin alovlanmasından sonra meydana gəlib.
Manset.az xarici mediaya istinadən xəbər verir ki, Nyu-York Yanğınsöndürmə Departamenti (FDNY) hadisə ilə bağlı açıqlama yayaraq bildirib ki, Bronksda bir avtomobilin yandığı barədə məlumat alıblar və dərhal hadisə yerinə cəlb olunublar.
Yanğınsöndürənlər əraziyə çatdıqda, bir neçə avtomobilin və yandırılmış tullantı yığınlarının alov içində olduğunu görüblər.
İlkin araşdırmalara görə, partlayışın yanacaq sistemindəki nasazlıqdan qaynaqlanmış ola biləcəyi ehtimal edilir.
Hadisə yerində təhlükəsizlik tədbirləri gücləndirilib, yaralı yanğınsöndürənlər isə xəstəxanaya yerləşdirilib. Hadisə ilə bağlı araşdırma davam edir.
