Lent az portalından alınan məlumata görə, ain.az xəbər verir.
Futbol əfsanəsi Lionel Messi amerikalı azarkeşlərinin sevgisini və diqqətini almağa davam edir. Bu dəfə ona Mayami şəhərindən qeyri-adi bir mükafat təqdim edilib.
Lent.az-ın xarici mediaya istinadla xəbərinə görə, argentinalı Amerika Biznes Forumunda iştirak edib və orada ona Mayami şəhərinin simvolik "açarları" təqdim edilib. Bu, yerli sakinlərin futbolçuya oyunu ilə onlara gətirdiyi sevincə görə təşəkkür etmələrinin bir yoludur.
Messi qəbuldan və hədiyyədən çox məmnun qalıb və tədbirdən aldığı təəssüratları “Instagram” səhifəsində paylaşıb.
“Mənim və ailəm üçün çox əziz olan Mayami şəhərinin bizə göstərdiyi hörmətə görə çox minnətdaram. İlk gündən insanlar bizə inanılmaz təcrübələr yaşatdılar, bu gün @americabusiness-də olduğu kimi, bu gözəl şəhərin insanlarının, eləcə də “İnter Mayami” heyətinin və azarkeşlərinin bütün sevgisi və dəstəyi sayəsində”.
Forum zamanı Linonel aparıcı ilə də söhbət edərək, doğma Rosario şəhərində karyerasına başladığını və onun müxtəlif mərhələlərindəki hisslərini bölüşüb.
Hadisənin gedişatını izləmək üçün ain.az saytında ən son yeniliklərə baxın.
