BAKI, 7 noyabr. TELEQRAF
BMT Təhlükəsizlik Şurası Suriyanın müvəqqəti prezidenti Əhməd əş-Şəraa və müvəqqəti hökumətin daxili işlər naziri Anas Xattaba tətbiq olunan sanksiyaları ləğv edib.
Teleqraf xarici KİV-lərə istinadən xəbər verir ki, sənəd ABŞ tərəfindən hazırlanıb.
Onun lehinə 15 üzvdən 14-ü, o cümlədən Rusiya, səs verib. Çin isə səsvermədə bitərəf qalıb.
Qəbul edilən qətnamə ilə BMT-nin sanksiya siyahısından hər iki Suriya rəsmisinin adları çıxarılıb. Bu qərar Suriyada keçid dövründə beynəlxalq əlaqələrin bərpasına yönəlmiş addım kimi qiymətləndirilir.
