ain.az xəbər verir, Kulis.az saytına əsaslanaraq.
İtaliyanın tarixi Pompey şəhərinin "küçə yeməkləri" bölgəsində qiymətli Misir vazası tapılıb.
Kulis.az xəbər verir ki, Pompey Arxeoloji Parkının məlumatına görə, vazanın üzərində “İsgəndəriyyədə hazırlanmış Misir üslubunda ov səhnələri” təsvir olunub.
Əsər, Pompeydəki “Regio V” adlanan bölgədə yerləşən "Thermopolium"un (antik fəstfud dükanı) mətbəxində aşkar edilib. Mütəxəssislər vazanın yemək qabı kimi istifadə oluna biləcəyini ehtimal edirlər.
Pompey şəhəri eramızın 79-cu ilində Vezuvi vulkanının püskürməsi nəticəsində məhv olmamışdan əvvəl müxtəlif mədəniyyətlərin təsiri altında formalaşmışdı.
Thermopolium - antik Roma dövründə içkilər və isti yeməklər satılan, insanların ayaqüstü yemək yediyi bir növ “fast food” məkan idi. Pompeydə bu cür ən azı 80 obyekt aşkarlanıb.
Qeyd edək ki, Thermopoliumun aşağı qatında mətbəx, yuxarı hissəsində isə dükan sahiblərinin yaşadığı kiçik mənzil yerləşib. Binada həmçinin hamam və anbar da müəyyən edilib.
Dünyəviliyə milli təfəkkürdən baxan sakral fenomen - Çingiz Aytmatov
"Sonrakı bileti al, sonrakı qatara min..." - Günün mahnısı
Rəssamlıq Akademiyasında “Ahəng” adlı fərdi sərgi açılıb
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
