Fələstin tərəfdarı fəallar Berlindəki ZDF televiziya stansiyasına basqın etdilər.
Pro-Fələstin fəalları ZDF-in Berlin ofisinə daxil oldu
ZDF-in paytaxt bürosu polis müdaxiləsindən sonra nəzarətə alınıb
İnterpress.az xəbər verir ki, bu barədə Berliner Zeitung məlumat yayıb.
Berlinin Unter den Linden küçəsində yerləşən ZDF bürosuna bir qrup pro-Fələstin fəalı daxil olub. Təhlükəsizlik əməkdaşlarının tələblərinə baxmayaraq, onlar binanı tərk etməkdən imtina ediblər.
Focus yazır ki, fəallar foyeyə səs gücləndirici aparat gətiriblər və uşaq ağlama səsləri yayımlanıb. Bir neçə dəqiqə sonra polis müdaxilə edib və fəalları binadan çıxarıb. Səs yazıları isə qısa müddət daha səslənib.
Polis iştirakçıların sayının dəqiq olmadığını açıqlayıb. Onların hamısına qarşı inzibati araşdırma gözlənilir.
ZDF nümayəndələri əməkdaşların təhlükəsizliyinin bərpa edildiyini və efirin dayandırılmadığını bildirib.
Hadisə son həftələr Berlin şəhərində keçirilən antisrailyönümlü aksiyaların tərkib hissəsidir. Federal media binaları və yəhudi təşkilatlarının təhlükəsizliyi gücləndirilib.
Xuraman Etibarlı
İnterpress.az
