7 noyabr 2025-ci il tarixində dünya bazarlarında qızıl və kriptovalyuta qiymətləri fərqli istiqamətlərdə dəyişib. Qızılın qiyməti artmaqda davam etdiyi halda, Bitcoin və digər əsas rəqəmsal aktivlər dəyər itkisi ilə üzləşib.
Finss.az xəbər verir ki, spot bazarda qızılın bir unsiyası təxminən 4 005,53 ABŞ dolları səviyyəsində müəyyən olunub ki, bu da əvvəlki günlə müqayisədə +0,7% artım deməkdir.
Kriptovalyuta bazarında isə enmə tendensiyası davam edir. Bitcoin (BTC) bu gün təxminən 101 000 ABŞ dolları səviyyəsində ticarət olunur və son 24 saatda −2,3% azalma qeydə alınıb.
