Ukraynanın paytaxtı şənbə günü, noyabrın 8-i axşam saatlarında geniş şəkildə elektrik kəsilməsi ilə üzləşib.
NOCOMMENT.az bildirir ki, bu barədə UNIAN xəbər verir.
“Ukrenerqo”nun məlumatına görə, Kiyev bütün şəhəri əhatə edən elektrik enerjisinin kəsilməsi səbəbindən qaranlığa qərq olub. Oktyabrın 10-dan ölkənin müxtəlif rayonlarına elektrik enerjisi fasilələrlə verilməyə başladıqdan sonra elektrik enerjisinin verilişində vəziyyət son dərəcə gərgin olaraq qalır.
Ukraynanın energetika naziri Svitlana Qrinçuk infrastruktura ciddi ziyan dəydiyi üçün elektrik şəbəkəsindəki vəziyyəti “çox çətin” adlandırıb. Krım körpüsündə baş vermiş terror aktından sonra 2022-ci ilin oktyabr ayından etibarən Rusiya silahlı qüvvələrinin enerji obyektlərinə davam edən zərbələri fonunda kəsintilər baş verir.
Şənbə günü, noyabrın 8-nə keçən gecə Rusiya Ukraynaya kütləvi zərbə endirib. “Military Chronicle” Telegram kanalının məlumatına görə, bu, xüsusi əməliyyat başlayandan bəri “Kinjal” hipersəs raketlərindən istifadə etməklə Ukraynada hərbi hədəflərə endirilmiş ən böyük zərbədir.
