Ermənistan Parlamentinin sədri Alen Simonyan açıqlayıb ki, İkinci Qarabağ müharibəsinin ilk günlərində baş nazir Nikol Paşinyan ermənilər arasında məşhur olan “Biz qalib gələcəyik” şüarına mənfi reaksiya verib.
Musavat.com xəbər verir ki, Simonyan bunu ermənilərin real vaxt rejimində məğlubiyyətinin əks olunması kimi qiymətləndirib.
Simonyan bildirib ki, bu hadisə 28 və ya 29 sentyabr 2020-ci ildə, Ermənistanın cəbhədə mövqelərini itirməyə başladığı zaman baş verib:
“Mənə Ermənistanın baş naziri Nikol Paşinyan zəng etdi:
Paşinyan: Alen, "Biz qalib gələcəyik" şüarını kim başladıb?
Simonyan: Bilmirəm, cənab baş nazir, biz yox, amma artıq yayılıb.
Paşinyan: Çox pis, bu, məğlubiyyət şüarıdır, heç də yaxşı deyil.
Simonyan: Nə deyəcəyimi bilirəm, cənab baş nazir, bunu artıq hər yerə, mağazalarda, maşınlarda yazırlar, heç nəyi dəyişdirmək mümkün deyil.
Paşinyan: Bilmirəm, amma pisdir”.
Musavat.com
