İranın enerji naziri ölkənin kəskin su çatışmazlığı fonunda Tehranda gecə saatlarında su təzyiqinin tamamilə kəsilə biləcəyini bildirib. Abbas Aliabadi dövlət
televiziyasına açıqlamasında su ehtiyatlarının kritik həddə düşdüyünü vurğulayıb. Dövlət mediası ölkə üzrə bir sıra su anbarlarının quruduğunu, yağıntıların az olması səbəbilə vəziyyətin daha da ağırlaşdığını göstərib və əhalini suya qənaət etməyə çağırıb. Prezident Məsud Pezeşkiyan da paytaxtın son onilliklərdə görünməmiş su və enerji böhranı ilə üzləşdiyini deyib. Onun sözlərinə görə, Tehranın su anbarlarında səviyyə son 60 ilin ən aşağı göstəricisinə düşüb.
Şəhər artıq ardıcıl altıncı quraqlıq ili yaşayır, bəzi anbarlarda doluluq 10 faizi belə keçmir. Şərqi Tehranın əsas su mənbələrindən olan Latyan su anbarının cəmi 9% dolu olduğu bildirilir. Təxminən 9,1 milyon əhalisi olan paytaxt və ümumilikdə 14,5 milyonluq əyalət həm su təchizatı, həm də enerji istehsalı üçün bu anbarlara güclü şəkildə bağlıdır.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
