Ər-Riyad, 10 noyabr, Elnur Salahov, AZƏRTAC
Oyunlarda Azərbaycan komandası uğurla çıxış edir.
AZƏRTAC xəbər verir ki, bu sözləri Milli Olimpiya Komitəsinin vitse-prezidenti Çingiz Hüseynzadə deyib.
O, Azərbaycan idmançılarının Ər-Riyad şəhərində keçirilən VI İslam Həmrəyliyi Oyunlarındakı çıxışını dəyərləndirib: "Bu gün cüdoda möhtəşəm qələbəyə şahidlik etdik. Komanda yarışında çempion olduq. Bu, Azərbaycanda cüdonun necə inkişaf etdiyini göstərir".
Ç.Hüseynzadə digər idman növlərində də qızıl medalların qazanılacağına inandığını vurğulayıb: "Yarışların hələ 1/3-i keçib. Qarşıda çox yarış var. Güləşçilərimiz, digər döyüş növlərində idmançılarımız Oyunlara qoşulacaqlar. İnanıram ki, medal sayı daha çox olacaq".
