Qasırğadan sonra yardım üçün Yamaykaya gedən kiçik təyyarə ABŞ-nin Florida ştatındakı Koral-Sprinqs bölgəsindəki su hövzəsində qəzaya uğrayıb.
“İki sahil” "CBS News"a istinadən xəbər verir ki, hadisə Vindzor-Bey qapalı yaşayış kompleksində qeydə alınıb. "Beechcraft King Air B100" təyyarəsi "Melissa" qasırğasından sonra yardım üçün Yamaykanın Montego körfəzi şəhərinə uçurmuş", - məlumatda bildirilir.
Təyyarənin göyərtəsində neçə nəfərin olduğu, ölənlər və ya xəsarət alanlar barədə məlumat verilmir.
Hadisə yerində axtarış-xilasetmə işləri həyata keçirilir.
